Dualar

İlahi! Müsibətimiz böyüyür, qeyb dövrü uzanır, pərdələr çəkilir, əlimiz hər yandan üzülür. Dünyadan sıxılır, göylərdən isə ayrı düşürük. Səndən başqa nə kömək edənimiz var, nə də şikayətimizi eşidən. Xoş günümüzdə də, çətin günümüzdə də arxa-dayağımız Sənsən! İlahi, Muhəmməd və onun Əhli-Beytinə öz xeyir-bərəkətini göndər! Əmr sahibi olan bu şəxslərə itaət etməyimizi bizə vacib buyurmusan, onların uca məqamını bizə tanıtdırmısan. Onlara xatir, bizə imamın (ə) zühuru ilə fərəc ver. Qoy zühur çox yaxınlaşsın, hətta göz qırpımından da tez olsun! Ya Muhəmməd, ya Əli! Ya Əli, ya Muhəmməd! Yetər ki, Siz varsız. Mənim üçün də yetərli olun! Siz əl tutansız. Mənim də əlimdən tutun! Ağam, ya Sahibəz-zaman! Dadıma çat, dadıma çat, dadıma çat! Köməyə gəl, köməyə gəl, köməyə gəl! Elə bu saat, bu saat, bu saat! Tələs, tələs, tələs! Ey Mehribanların ən Mehribanı! Muhəmməd və onun pak Əhli-beytinə xatir (duamı qəbul et).