Bu gün Sumqayıtda 2016-cı ilin aprel döyüşlərində şəhid olan Xüsusi Təyinatlı Qüvvələrin giziri Seymur Baxışovun barelyefinin açılış mərasimi keçirilib. Xatirə lövhəsi şəhidin yaşadığı binaya vurulub.

Şəhidin ailə üzvləri və hərbçi yoldaşlarının qatıldığı tədbirdə ilahiyyatçı-alim hacı Şahin Həsənli də çıxış edib.

AzVision.az-ın məlumatına əsasən, Xüsusi Təyinatlı Qüvvələrin giziri Seymur Baxışov ötən ilin aprelində baş verən döyüşlərdə qəhrəmancasına şəhid olub. Onun meyiti aprelin 19-da təmas xəttindən götürülüb. Seymur Baxışov doğulduğu Sumqayıt şəhərinin Şəhidlər Xiyabanında dəfn olunub. 

"İslamın səsi" qeyd edir ki, özünün şücaəti və qəhrəmanlığı ilə düşmən ordusunu qorxuya salan şəhid gizir Seymur Baxışov xidməti dövründə düşmənin çoxlu sayda canlı qüvvəsini məhv etməklə yanaşı, neçə-neçə düşmən texnikasını sıradan çıxarmışdır.

Seymur Baxışov ölümündən sonra göstərdiyi qəhrəmanlığa görə Azərbaycan Respublikasının prezidenti İlham Əliyevin sərəncamı ilə "Hərbi xidmətdə fərqlənməyə görə" III dərəcəli medalı ilə təltif edilib.

hacishahin.az