Bu gün 2016-cı il aprel döyüşlərində şəhid olan Azərbaycan Silahlı Qüvvələrinin əsgəri Mahir Mirzəyevin yas mərasimi keçirilib. Biləcəri qəsəbəsində keçirilən mərasimə hacı Şahin Həsənli də qatılıb. Şəhidlik barədə çıxış edən ilahiyyatçı “Yasin” surəsində Həbib Nəccarın hadisəsinə toxunub. Şəhidin qəlbi o qədər genişdir ki, hətta cənnətə daxil olandan sonra belə öz xalqının xoşbəxtliyini düşünür. Daha sonra qeyd olundu ki, bu gün bəzi cərəyanlar şəhidlik məfhumundan sui-istifadə edərək bu ali dəyəri ləkələməyə çalışır. Cəmiyyətdə hər bir kəsin şəhidə borclu və təzim etməli olduğunu bildirən ilahiyyatçı çıxışını əsgər və zabitlərimizi dua etməklə bitirdi.

Xatırladaq ki, 1994-cü il təvəllüdlü şəhid Mahir Mirzəyev ölümündən sonra “Hərbi xidmətdə fərqlənməyə görə” III dərəcəli medalla təltif olunub.  

hacishahin.az