Məşədi Dadaş məscidi dini icması növbəti dəfə yardım aksiyası keçirib. Məscidin gənc könüllüləri zəruri ərzaq payları hazırlayaraq imkansız ailələrin evlərinə çatdırıblar. Üç yüz ailəni əhatə edən aksiya koronavirus pandemiyasına qarşı tətbiq olunan xüsusi karantin rejimindən əziyyət çəkənlər üçün nəzərdə tutulub. Qeyd edək ki, son bir həftə ərzində bu aksiya sayca beşincidir.

Məscidin imamı, ilahiyyatçı Hacı Şahin Həsənlinin sözlərinə görə, yardımlaşma insani və ilahi bir vəzifədir. İlahiyyatçı xeyriyyə aksiyasının təşkilində zəhmət çəkən hər kəsə öz dərin təşəkkürünü bildirib: "Son günlər tez-tez səslənən şüarlardan biri "biz birlikdə güclüyük" şüarıdır. Bu günlərdə hər kəs bacardığını əlindən edir, insanlıq nümunələri göstərir. Bu xüsusiyyətimizlə fəxr etməli və bu dəyərləri qorumalıyıq".

hacishahin.az