Avqustun 20-si axşam azanından sonra qəməri təqvimlə məhərrəm ayının ilk gecəsi daxil olur. Beləliklə də, 21 avqust məhərrəm ayının ilk günü hesab olunur. Bu ayda müsəlmanlar İmam Hüseynin (ə) Kərbəladakı qəhrəmanlığın yad edir, matəm saxlayır. Qeyd edək ki, İmam Hüseynin (ə) şəhid olduğu Aşura günü bu il avqustun 30-na təsadüf edəcək.   

Dünyada COVİD-19 pandemiyasının yayılması fonunda ölkəmizdə də karantin rejimi tətbiq olunur. Bu səbəbdən bu il məhərrəm mərasimləri bütün məscidlərdə olduğu kimi, Məşədi Dadaş məscidində də online rejimdə keçiriləcək. Mərasimlər avqustun 21-dən 30-na kimi saat 21:00-da ilahiyyatçı Hacı Şahin Həsənlinin rəsmi Youtube kanalı, Facebook və İnstagram səhifələrində yayımlanacaq.

Proqrama Hacı Şahin Həsənlinin çıxışı ilə yanaşı Quran tilavəti və növhələrin oxunması da daxildir.

hacishahin.az