Oktyabrın 29-u ilahiyyatçı Hacı Şahin Həsənli Gəncə şəhərinə səfər edib. Səfər zamanı ilahiyyatçı Ermənistanın raket atəşinə tutduğu əraziləri ziyarət edib, burada şəhid olan və yaralananların ruhuna dualar edib.

İlahiyyatçının bildirdiyinə görə, dinc raket atəşinə tutan Ermənistan bir daha öz əsl mahiyyətini göstərdi: "Ermənistan rəhbərliyi şovinist və faşist rejim qurduğunu sübut etdi.  Döyüş meydanında əlacsız qaldığından əhali arasında panika yaratmağa cəhd göstərdi. Lakin, Azərbaycan xalqı, xüsusilə gəncəlilər rəşadət nümayiş etdirdi".

Qeyd edək ki, raket atəşindən dağılmış ərazilərə baş çəkən Hacı Şahin Həsənli yerli sakinlərlə də görüşüb. 

hacishahin.az