İyunun 29-u ilahiyyatçı Hacı Şahin Həsənli XTQ giziri şəhid İbrahim Sadıqlının doğum günü ilə bağlı tədbirə qatılıb. Şəhidin ailəsini ziyarət etdikdən sonra, ilahiyyatçı İkinci Şəhidlər Xiyabanında keçirilən tədbirdə də iştirak edib.

Qeyd edək ki, 1993-cü il təvəllüdlü İbrahim Sadıqlı Murovdağ istiqamətində gedən döyüşlərdə, həmçinin Cəbrayılın və Füzulinin azadlığı uğrunda gedən döyüşlərdə savaşıb. İbrahim Sadıqlı oktyabrın 3-də Füzuli döyüşləri zamanı şəhid olub. II Şəhidlər Xiyabanında dəfn olunub.

hacishahin.az