Aprelin 23-ü ənənəvi olaraq Məşədi Dadaş məscidi dini icması Pasxa ilə bağlı xristian soydaşlarımıza bayram sovqatı paylayıb.


Məscid könüllülərinin təşkilatçılığı və yardımsevər soydaşlarımızın dəstəyi ilə keçirilən aksiyada dinindən və milli mənsubiyyətindən asılı olmayaraq bütün müraciət edənlərə ərzaq yardımı göstərilir.


Məscidin imamı Hacı Şahin Həsənlinin sözlərinə görə, insanlar dini və milli mənsubiyyətindən asılı olmayaraq bir-birinə yardım etməli, insanlığı yaşatmalıdırlar: "Azərbaycanın tolerantlıq ənənəsi dünyaya nümunədir və biz də əcdadımızın bizə qoyduğu bu irsi qorumalıyıq. Məscidimizdə tez-tez yardım aksiyaları keçirilir və heç zaman bizə müraciət edənlərin dini mənsubiyyətini sorğulamırıq. Lakin, xüsusi günlərdə çalışırıq fərqli inancdan olan həmvətənlərimizə də sovqat göndərək".


Qeyd edək ki, yardımdan yüzdən çox ailə yararlanıb. 

hacishahin.az