Azərbaycanda sonuncu Qədr gecəsi qeyd olunub. Ölkəmizin bütün məscidlərində olduğu kimi Bakının Məşədi Dadaş məscidində də bu münasibətlə tədbir təşkil olunub. Daha öncə məsciddə birinci və ikinci Qədr gecəsi mərasimləri də keçirilmişdi.

Saat 22:00-da başlayan tədbirdə məscidin imamı, ilahiyyatçı Hacı Şahin Həsənli xütbə ilə çıxış edib. Daha sonra camaatla birlikdə Qədr gecəsinin duaları oxunub. Tanınmış Əhli-Beyt (ə) məddahı Peyman Əsədov isə qəsidələr oxuyub. Tədbir şəhidlərimizin ruhu, xalqımızın rifahı, ordumuzun qələbəsi və dövlətimizin qüdrəti üçün dualarla tamamlanıb.

Saat 02:00-da tanınmış məddah Teymur Şirvanlının rəhbərliyi ilə camaatla birgə Cövşən-Kəbir duası oxunub. Camaatla  sübh namazının qılınması ilə sonuncu Qədr gecəsi başa çatıb.

Tədbir canlı olaraq Hacı Şahin Həsənlinin sosial şəbəkələrdəki rəsmi hesablarında yayımlanıb.     

hacishahin.az

 VİDEO

FOTO